Ang Nasa ng Pag Ibig

 Ang pag-ibig ay hinde pagnanasa

na hinde nagbibigay ng walang kapalit

at hinde nakabase sa kalayaan kundi

sa takot at gapos ng pag-angkin;

Na ang pagmamahal ay makasarile

at nakatuon lamang sa kasiyahan ng laman;

Na ang tuwa ay naka-asa sa iba,

kaya puno ng takot at di kayang mag-isa

upang pakinggan ang himig ng katahimikan

at malaman ang dahilan ng ingay at kaguluhan;

Na ‘di kayang magbigay ng tunay na tuwa

dahil wala siya nito, at ‘di niya madama

ang pag-ibig na natulog sa kanyang puso

dahil ayaw niyang gumising, idilat ang mata,

at tingnang tunay ang katotohanan

upang tunay na lumaya sa gapos ng dilim

at walang katapusang paghangad.

.

Walang hangganan ang pag-ibig;

Wala ring maaring makakahadlang.

Ito’y ilog na maaring sagkaan

ngunit di maaring pigilan.

Itoy malalim na dagat

na kayang lunurin ang walang tigil

na ihip ng hangin ng hangarin.

Tulad ng Diyos ng Pag Ibig,

isa sa katangian ng sangkatauhan

ay ang kakayang tunay na umibig

at magmahal ng walang kundisyon.

Kahit hayop ay marunong magmahal.

.

Ang pag ibig ay kaligayahan.

Ang kaligayahan ay buhay.

Ang taong di marunong umibig

ay isang buhay na patay.

 

ArlenKali10-5-2018