Sa Kaharian ni Bathala

 

Sa kaharian daw ni Bathala,
Kung saan ang naghahari ay pag-ibig
na walang halong pagnanasa:
Ang bawat tunog ay musika,
Ang bawat salita ay tula,
Ang bawat pangarap ay natutupad,

Ang oras ay walang hangganan, 

Walang katawang lupang nahahapo, 

Walang mapagimbot na kaisipan, 

Walang tanong na walang kasagutan, 

Walang nagtatanong 

walang may nais pang malaman,
At ang bawat patak ng luha 

ay tanda ng labis 

na pag-ibig sa Diyos 

at umaapaw na kaligayahan. 

 

Kaya kung nais mong madama 

ang tunay na tuwa, 

ang tunay na hiwaga at 

kapangyarihan ng pag ibig, 

at kung ano ang layon ng katotohanan; 

Hanapin mo 

ang Kaharian ni Bathala.